تحسين محركات البحث والذكاء الاصطناعي — SEO / GEO

بنشتغل على ظهورك في الاتنين مع بعض: SEO عشان تطلع في نتايج جوجل، وGEO عشان اسمك يتذكر في إجابات الذكاء الاصطناعي زي ChatGPT و Gemini و Perplexity. الاتنين بقوا بيجيبوا عملاء، ومعظم المواقع في السوق العربي عاملة الأول بس.

الجزء التقني

• سرعة التحميل وضغط الصور — عامل ترتيب مباشر ومش رفاهية.
• الفهرسة — خريطة موقع سليمة، وملف robots مظبوط، وإصلاح الصفحات اللي جوجل مش شايفها.
• الصفحات المكررة — نسخة بـ www ونسخة من غيرها، أو صفحات بنفس المحتوى، بتقسّم قوة ترتيبك من غير ما تحس.
• البيانات المنظّمة (Schema) — بتخلي جوجل والذكاء الاصطناعي يفهموا إنت مين وبتعمل إيه وفين.
• hreflang للمواقع بأكتر من لغة أو أكتر من سوق — من غيره نسخة بتاكل التانية.

المحتوى والكلمات المفتاحية

بندرس الكلمات اللي عملاؤك بيدوّروا بيها فعلاً — مش اللي إنت متخيلها — ونبني صفحة لكل نية بحث. صفحة الخدمة للكلمة التجارية، والمقالة للسؤال اللي بيتسأل قبل الشراء. وبنكتب العنوان والوصف لكل صفحة بدل ما جوجل يختار من الصفحة عشوائياً.

الظهور المحلي

لو نشاطك ليه مكان، بروفايل جوجل بيزنس بيفرق أكتر من الموقع نفسه في نتايج "أقرب كذا". بنظبط التصنيفات الصح والصور والمعلومات، ونربطه بالموقع، ونساعدك تبني مراجعات حقيقية.

GEO — الظهور في إجابات الذكاء الاصطناعي

هنا القواعد مختلفة. المحرك بيكوّن إجابة واحدة ويختار مصادرها، فاللي بيخلي موقعك يتختار:

• معلومات صريحة قابلة للاقتباس — جملة زي "تأسست في نوفمبر 2014" بتتاخد، "خبرة طويلة" مبتتاخدش.
• صيغة سؤال وجواب — صفحة أسئلة شائعة مكتوبة كويس أكتر حاجة بتتقتبس.
• ملف llms.txt بيلخّص شركتك وصفحاتك للمحركات دي.
• السماح لزواحف الذكاء الاصطناعي في robots.txt — كتير بيمنعوهم من غير ما ياخدوا بالهم إنهم بيلغوا فرصة الظهور.
• اتساق بياناتك في كل مكان — التناقض بيخلي المحرك مايثقش.

القياس

تقرير شهري فيه: ترتيبك على الكلمات المستهدفة، عدد الظهور والنقرات من Search Console، والصفحات اللي بتجيب زيارات. وللـ GEO بنسأل المحركات نفسها أسئلة عن مجالك ونشوف اسمك بيتذكر ولا لأ، ونعيد كل شهر.

الحقيقة اللي لازم تعرفها

السيو مش بيجيب نتيجة في أسبوع. الجزء التقني أثره بيبان في أيام، بس الترتيب على كلمات فيها منافسة بياخد شهور من الشغل المستمر. أي حد بيوعدك بالصفحة الأولى في أسبوعين بيبيعلك وهم.

كلّمنا ونعملك فحص مجاني لموقعك ونقولك بصراحة فين المشاكل.